rokkarar

læt eins og fullt af fólki lesi þetta. Fórum í stutta suðurlandsferð í dag, mamma er í bæinum. Sólheimar , Slakki, Laugarvatn, Þigvellir (þjónustuhúsið) og heim. Mjög fínt fengum okkur að borða í Slakka, hamborgarinn var sæmilegur en pizzan sem strákarnir fengu var mun betri. Gullkorn vikunnuar; morgun ,Einar að tygja sig í vinnu og við Magnús og Ingibjörg í fletinu, húsbóndinn var kominn í buxur en engan bol; þá heyrist í Magnúsi, " loksins fær maður að sjá almennilega rokkara". Er hægt að fá betra kopliment??. Einar og Jón Kristinn fóru að sjá Ísland- Ítalía 2-0 lukkulegir, tóku strætó heim ekki eins lukkulegir með strætó 50 mín bið. Strætó sökkar feitt.

Birgitta hefur áhrif á fjölskyldulífið

Vikan hefur verið viðburðarrík. Jón hefur verið á fótboltanámskeiði hjá KR. Evrópukeppnin hefur verið tímfrek hjá karlpeningnum og brottfall Englendinga olli sárindum sérstaklega hjá JKE hann átti erfitt með að sofna í gærkveldi. "James varði bara ekkert, ohhhhh hann átti að verja" X 99. Fjölskylduhátið Vífilfells var í dag mikil og fín skemmtun leiktæki fyrir börnin hamborgarar og pylsur snakk og stuð. Írafár mætti á svæði og tók nokkur lög. MHE fór og horfði á Birgittu, JKE var í fótbolta. MHE stóð í röð og fékk eiginhandaráritun hjá Birgittu, JKE var í fótbolta. MHE fékk mynd af sér og Birgittu, JKE var í fótbolta. Við reyndum að fara heim JKE í fótbolta Dæmigert!!!
Magnús fékk ss. eiginhandaráritum frá Birgittu á handabakið nú eru slagsmál hann neitar að þvo sér úfff.
Ingibjörg Steinunn fer í 5 mánaða skoðun á mánudaginn, það verður fróðlegt að sjá hvað hún er orðin stór, hún tók kipp núna i síðustu viku. Giska á að hún sé amk 7 kíló. Einar á afmæli á sunnudaginn 33ja jú hú. Vonum að það verði gott veður. Þá stefnum við á grill. Held ég gefi honum bara "tíma" til að fara í golf, enda er prívat frítími orðinn verðmætur hér á þessum bæ.

Sunnudagur

Afmælið gekk mjög vel kakan var mjög í anda dagsins þeir sem borðuðu mikið af henni urðu að vísu bláir í gegn, bláa höndin teygir sig víða. Magnús var alsæll með daginn, sól stuð og hann fékk ótal fínar gjafir. Í herbeginu er núna heill her af Bionicle og Riddara körlum í smiðju Legó og margt fleira. Mamma og Kristján komu í bæinn. Á laugardaginn fórum við í stúdentsveislu hjá Láru Betty svaka fín veisla og fullt af fólki. Sunnudagurinn fór í mega sumarboð hjá Kristínu systur Harðar. Þar sem kartöflufjölskyldan átti saman góðan dag. Kræsingarnar hjá Kristínu og Sigga voru einstakar, svartfugl á ýmsa vegu, hreindýrapate, nýr lax, spearribs, skyrterta , súkkulaðikaka og ég veit ekki hvað. við vorum allan daginn að borða bara eins og alvöru miðjarðarhafs stórfjölskylda. Tekin voru nokkur létt boltahlé og spilað kúluspil sem ég man ekki hvað heitir en hægt að fá á góðu verði í Europris.
Mamma var að hringja þau komu til Ísafjarðar kl 23:00 Djúpið var leiðinlegt þar sem er verið að gera við (Hestfjörðurinn að ég held).
nóg að sinni.

Afmælið nálgast

Hér er allt að verða klárt fyrir afmælið á morgun. Magnús Hrafn fór með kökur á leikskólann í morgun, hann tók líka video spólu, það er hefð að bjóða upp á skemmtidagskrá með góðgætinu. Ef einhver er í vandræðum með afmælisglaðning þá er Bionicle ofarlega á óskalistanum, Víkingakarlar og Riddarar og sjóræningjar frá Playmo er líka vinsælir. Aur í safnið kemur sér líka vel (MHE langar að eignast geislaspilara til að hafa inn í herbergi).
Ingibjörg Steinunn var í ungbarnasundi í gær og var náttúrulega aðalhetjan kafaði eins og herforingi, hló og skríkti við vorum ekkert smá stolt.
Jón Kristinn sparkar og sparkar, hann hefur verið á "námsekiðinu" "dagleg líf heima", en fer í næstu viku á fótboltanámskeið hjá KR. Hann fékk mjög góðan vitnisburð frá skólanum þegar honum lauk. "Jón Kristinn er traustur og ábyrgur nemandi sem getur unnið með hverjum sem er í bekknum. Hann hefur haft jákvæð áhrif á félagsandann í bekknum og skapað áhuga bæði hjá stelpum og strákum að leika sér saman úti í frímínútum." Við vorum að sjálfsögðu að rifna úr monti að eiga svona fínann strák

börnin

auðvita meinti ég barnafólki ekki baranfólki.

Hefst nú leikurinn

Nú ætla ég að gera tilraun með fjölskyldusíðuna, þar sem velunnarar okkar geta fylgst með okkur og frétt það sem ég gæti hugsanlega gleymt að segja ykkur frá.

Næsta mál í hér á Vesturgötunni er afmæli Magnúsar Hrafns. 17. júní er dagurinn eini og sanni, nú er það þannig að mér finnst svo gaman að halda veislur og vil helst bjóða öllum. Svo þetta stefnir svaka partý. Þannig að nú ætla ég að skipta afmælinu í tvennt bjóða baranfólki fyrir hádegi kl 11 og fullorðnum seinni partinn kl 17. Mun senda út tilkynningar um í hvorum hópnum fólk er. en endilega sendið komment ef annað hentar ykkur betur en hitt.
ykkar
Björg

titill

heima er alltaf best